Zaýyttaǵy jasandy ıntellekt: el óndirisin alda ne kútip tur
ASTANA. KAZINFORM — Qazaqstanda óndiristi jańa deńgeıge kóterý úshin memleket, bıznes jáne ýnıversıtetter birlesip jumys isteýi kerek. Sonymen qatar elge Industry 4.0 jáne Industry 5.0 tehnologııalaryn meńgergen ınjenerler qajet. Bul týraly Nazarbayev University Injenerııa mektebi dekanynyń mindetin atqarýshy professor Essam Shehab aıtty.
Onyń pikirinshe, Qazaqstan tsıfrlandyrý salasynda aıtarlyqtaı jetistikterge jetken. Endigi mindet — tsıfrlyq tehnologııalardy óndiristik protsesterge keńinen engizý.
— Qazaqstan — tsıfrlyq el. Biraq tsıfrlandyrýdaǵy osy jetistikterdi naqty óndiriste qoldanýymyz kerek. Qazir Nazarbaev ýnıversıtetinde óndiristik protsesterge arnalǵan tsıfrlyq tehnologııasyn damytyp jatyrmyz. Bul — Industry 4.0 baǵyttarynyń biri, — dedi Essam Shehab.
Tsıfrlyq tehnologııasy óndiristik protsestiń vırtýaldy modelin jasaıdy. Mundaı tehnologııa arqyly óndiristegi protsesterdi baqylaýǵa, modeldeýge jáne olardyń tıimdiligin arttyrýǵa bolady.
Professordyń aıtýynsha, álemdik óndiris qazir Industry 4.0 kezeńinen ári qaraı jyljyp, Industry 5.0 tehnologııalaryn engizýge kiristi. Bul protseste jasandy ıntellekt, mashınalyq oqytý, óndiristiń vırtýaldy modelin jasaý jáne avtomattandyrý mańyzdy ról atqarady.
Sonymen qatar jasandy ıntellektiniń óndiris salasy úshin táýekelderi de bar. Essam Shehabtyń pikirinshe, kásiporyndar tehnologııa engizý kezinde ózderiniń óndiristik bilimi men derekteriniń qaýipsizdigine mán berýi kerek.
— Keıbir kompanııalar qazir ózderiniń jasandy ıntellekt júıelerin qurýǵa tyrysyp jatyr. Qazaqstandaǵy kásiporyndar da osy baǵytty qarastyrýy kerek. Kompanııalar arasyndaǵy baılanys, jetkizý tizbegi jáne óndiristik bilim saqtalýy tıis, — dedi ol.
Ǵalym óndiristiń turaqty damýy úshin úsh negizgi taraptyń — memleket, ýnıversıtet jáne bıznestiń — birlesken jumysy qajet ekenin atap ótti. Professordyń aıtýynsha, ınjenerlik bilim berýdiń sapasy óndiristiń bolashaǵyna tikeleı áser etedi. Nazarbaev ýnıversıtetiniń Injenerııa mektebinde bilim alǵan stýdentterge eńbek naryǵynda suranys joǵary ekenin atap ótti.
— Bizdiń stýdentterge kompanııalar jumys usyný úshin ózderi izdeıdi. Injenerııa mektebinde stýdentterdiń jumyspen qamtylý deńgeıi shamamen 100 paıyzǵa jetedi. Keıbir stýdentter shetelge baryp, magıstratýra nemese PhD baǵdarlamalarynda bilim alyp, keıin elge qaıtyp keledi. Bul — bizdiń bolashaǵymyz, — dedi Essam Shehab.
Ǵalymnyń sózinshe, Qazaqstanda júrgizilip jatqan halyqaralyq ǵylymı jobalar eldiń óndiristik zertteýlerdegi múmkindigin keńeıtip otyr. Qazaqstandyq ǵalymdar AQSh, Kanada, Avstralııa jáne basqa elderdiń zertteýshilerimen birlesken jobalarǵa qatysyp keledi.
Aıta keteıik, buǵan deıin, elimizde qandaı jańa óndirister, ınfraqurylymdyq jáne áleýmettik nysandar ashylatynyn jazǵan edik.
