Zaýyttaǵy qaýipsizdik: Premer-mınıstr «Qaztsınk» basshylyǵyna eskertý jasady
ASTANA. KAZINFORM — Búgin Úkimet otyrysynda Premer-mınıstr Oljas Bektenov «Qaztsınktegi» qaýipsizdikke qatysty tapsyrma berdi.
«Qaztsınk» kásipornynyń basshysy Janat Janbotın bıyl 5 mamyrda zaýyt óz tarıhyndaǵy eń qaıǵyly oqıǵalardyń birin bastan ótkergenin aıtty.
- Oqıǵa saldarynan úsh adamnan aıyryldyq. Bul – biz úshin orny tolmas qaza. «Qaztsınk» úshin bolashaqta barlyq qajetti aldyn alý sharalaryn qamtamasyz etý turǵysynda osy oqıǵanyń sebepterin barynsha egjeı-tegjeıli anyqtaý óte mańyzdy. Qazir óndiris jumysyna aıryqsha baqylaý rejımi engizildi, - dedi J. Janbotın.
Óz kezeginde Úkimet basshysy «Qaztsınk» basshylyǵyna kásiporyndaǵy qaýipsizdikke qatysty eskertý aıtty.
- Jaqsy baıandap tursyz. Biraq mamyr aıynda bolǵan oqıǵa sózińizdi joqqa shyǵaryp otyr. Sondyqtan qosymsha belsendi sharalar qabyldańyzdar, - dedi Premer-mınıstr.
Eske salsaq, mamyr aıynyń basynda Óskemendegi kásiporynda jarylys boldy. https://kaz.inform.kz/news/oskemendeg-kasporindardin-brnde-zharilis-boldi-f23d56ac
Tótenshe jaǵdaılar mınıstri Shyńǵys Árinov «Qaztsınk» zaýytyndaǵy jarylys tehnologııalyq protsestiń buzylýy saldarynan bolýy múmkin ekenin aıtty.
