Zarına Dııastyń Maıamı týrnırindegi qarsylasy belgili boldy
ASTANA. QazAqparat - Maıamı (AQSh) týrnırinde Qazaqstannyń birinshi, álemniń 56-ynshy raketkasy Zarına Dııastyń qarsylasy belgili boldy, dep habarlaıdy QazAqparat.
Alǵashqy aınalymda qazaqstandyq tennısshi amerıkalyq, álemniń 83-inshi raketkasy Djennıfer Breıdımen kúsh synasady. Eger ony utqan jaǵdaıda reseılik, dúnıejúzilik reıtıngte 27-inshi orynda turǵan Svetlana Kýznetsovamen kortqa shyǵady.
Júlde qory 8,6 mln AQSh dollarynan asatyn Maıamı týrnıri 1 sáýirde márege jetedi.
Eske sala keteıik, keshe aıaqtalǵan Indıan-Ýells týrnırinde Z.Dııas alǵashqy aınalymda álemniń burynǵy birinshi raketkasy, ataqty amerıkalyq tennısshi Serena Ýılıamske jol bergen bolatyn. Taǵy bir qazaqstandyq tennısshi, búgin álemdik reıtıngte 75-satyǵa kóterilgen ıÝlııa Pýtıntseva ekinshi aınalymǵa deıin jetip, chehııalyq Petra Kvıtovadan utylǵan edi. Bul iri halyqaralyq jarysta japonııalyq jıyrma jasar tennısshi Naomı Osaka aıdy aspanǵa shyǵaryp, óziniń sporttyq jolynda WTA týrnırinde alǵash ret jeńimpaz atandy. Ol jarys barysynda álemniń burynǵy birinshi raketkasy, reseılik Marııa Sharapovany, qazirgi kósh bastaýshy, rýmynııalyq Sımona Halepti, fınalda Reseıdiń jas juldyzy Darıa Kasatkınany (ol da 20 jasta) utty. Bir qyzyǵy, Maıamı týrnıriniń birinshi aınalymynda N.Osaka S.Ýılıamspen sheberlik baıqasady.
