Zarına Dııas jaraqatyna baılanysty Olımpıada jarystarynan bas tartty

NUR-SULTAN. QazAqparat - Qazaqstandyq tennısshi Zarına Dııas Tokı Olımpıadasyna aıaǵynyń jaraqatyna qaramastan qatysqan. Bul týraly sportshynyń ózi aıtty, dep habarlaıdy QazAqparat UOK silteme jasap.

«Ókinishke qaraı, kezdesýdi toqtatýǵa týra keldi. Ótken aptada Lozannadaǵy týrnırde aıaǵymdy jaraqattap aldym. Biraz emdegen soń, jaqsy bolyp qalǵanmyn. Búgingi kezdesý kezinde aıaǵym qaıtadan qatty aýyra bastady. Sol sebepti, týrnırdi jalǵastyra almadym. Olımpıadanyń men úshin dál osylaı aıaqtalǵanyna qatty ókindim», - dedi Dııas.

Aıta ketelik, Tokıo Olımpıadasynyń birinshi aınalymynda Zarına Dııas 2021 jylǵy «Rolan Garros» týrnıriniń jeńimpazy Barbora Kreıchıkovamen (Chehııa) kezdesken bolatyn. Alaıda, birinshi sette 2:5 esebimen utylyp jatqan Zarına jaraqatyna baılanysty jarystan bas tartty.