Zarına Dııas Japonııadaǵy týrnırdegi alǵashqy kezdesýinde jeńdi
ASTANA. QazAqparat - Álemniń júzinshi raketkasy, qazaqstandyq tennısshi Zarına Dııas Japan Women's Open Tennis jarysynyń startynda álemdik reıtıngte 95-orynda turǵan japondyq Mısakı Doıdy 3:6, 6:1, 6:1 esebimen jeńdi. Bul týraly sports.kz habarlady.
1 saǵat 45 mınýtqa jalǵasqan matchta Zarına úsh ret dop berýden jańylysyp, segiz eıs pen alty breık jasady. Al Mısakı dopty bir ret teris berip, eki breı-poınt júzege asyrdy jáne tórt jup qate jiberdi.
Qarsylastardyń jeke kezdesý esebi teń tústi - 1:1.
Tokıodaǵy týrnırdiń ekinshi raýndynda Zarına Dııas qytaılyq Chjan Shýaımen kúsh synasady.
