Zarına Dııas Japonııadaǵy jarystyń shırek fınalyna joldama aldy

ASTANA. KAZINFORM — Qazaqstandyq tennısshi, álemniń 297-raketkasy Zarına Dııas Takasakı (Japonııa) ITF W100 týrnırinde eki matchyn jeńispen aıaqtady.

Qazaqstandyq sportshy alǵashqy aınalymda álemniń 289-raketkasy, ındonezııalyq Prıska Madelın Nýgrohony qapy qaldyrdy – 6:2, 0:6, 6:4.

Tartysty báseke eki saǵattan astam ýaqytta bitti.

Zarına búgin álemdik reıtıngide 305-oryndaǵy ońtústikkoreıalyq So Hen Pakpen kortqa shyqty. Tennısshiler buǵan deıin ózara kezdespegen edi.

Bir saǵat 49 mınýtqa sozylǵan oıyn 6:4, 7:6 (8:6) esebimen qazaqstandyq tennısshiniń paıdasyna sheshildi.

Zarına Dııas jartylaı fınalǵa shyǵý úshin álemniń 181-inshi, osy jarystyń 3-raketkasy, japonııalyq Hımeno Sakatsýmemen talasady.

Z.Dııas qazirgi kezde WTA Live reıtıngisinde 283-orynǵa kóterilip tur.

Taǵy bir qazaqstandyq, álemdik reıtıngide 861-oryndaǵy, 20 jastaǵy Arýjan Saǵyndyqova Sharm-el-Sheıh (Mysyr) ITF W15 jarysyn jeńispen bastady. Ol bastapqy kezdesýinde reıtıngide 1227-satydaǵy nıderlandylyq Rıkke de Konıngti joldan taıdyrdy – 6:2, 2:6, 6:2.

Arýjan ekinshi aınalymda álemniń 832-raketkasy, ıtalııalyq Maddalena Djordanodan ótýge tyrysady.

Eske sala keteıik, budan buryn 17 jastaǵy Zańǵar Nurlanulynyń eresekter arasynda alǵashqy jeńisine qol jetkizgenin jazǵan edik.