Zarına Dııas WTA-nyń úzdik 100 sportshysy tiziminen shyǵyp qaldy
NUR-SULTAN. QazAqparat – Áıelder tennıs qaýymdastyǵy (WTA) reıtıngileriniń jańartylǵan nusqasy shyqty, dep habarlaıdy QazAqparat Sports.kz saıtyna silteme jasap.
Tizimde Avstralııa tennısshisi Eshlı Bartı kósh bastap tursa, odan keıin Belarýs sportshysy Arına Sobolenko men Ispanııa ókili Garbıne Mýgýrýsa ornalasqan.
Qazaqstannyń birinshi raketkasy 14-shi oryndy saqtap qaldy, ıÝlııa Pýtıntseva burynǵydaı 42-shi orynda, al tizimde úsh saty tómen túsip, 103-shi orynǵa turaqtaǵan Zarına Dııas úzdikter «júzdiginen» shyǵyp ketti.
Juptyq razrıadta úzdikter «úshtigin» burynǵydaı chehııalyq
Katerına Sınıakova men Barbora Kreıchıkova jáne taıvandyq sportshy Se Sý-Veı basqaryp otyr. Rybakına óz jaǵdaıyn ózgertken joq (49-shy), Alla Danılına segiz saty joǵary kóterilip, 75-shi boldy, al Dııas eki saty tómen túsip, 180-shi orynǵa turaqtaǵan.
