Zarına Dııas úzdik 100 tennısshiniń qataryna qaıta endi
NUR-SULTAN. QazAqparat - Qazaqstandyq Zarına Dııas búgin jańartylǵan reıtıngte úzdik 100 tennısshiniń qataryna endi, dep habarlaıdy QazAqparat tilshisi.
Osyǵan deıin 115-orynda turǵan qazaqstandyq tennısshi 98-satyǵa kóterildi.
Bul tabysqa Zarına Dııas Japonııadaǵy Gıfý ITF týrnıriniń jeńimpazy atanýy nátıjesinde qol jetkizdi.
Madrıd týrnırin jeńispen bastaǵan Qazaqstannyń birinshi raketkasy ıÝlııa Pýtıntseva reıtıngte 41-den 43-orynǵa tómendedi.
ıÝ.Pýtıntseva Madrıd jarysynda tabysty óner kórsetse, óz reıtıngisin qaıta jaqsarta alady. Ol búgin álemniń 69-raketkasy, frantsııalyq Polın Parmantemen kúsh synasady.
Taǵy bir qazaqstandyq Elena Rybakına 134-ten 139-ǵa syrǵydy.
Áıelder arasyndaǵy reıtıng kóshin burynǵysha japonııalyq Naomı Osaka bastasa, chehııalyq Petra Kvıtova ekinshi, rýmynııalyq Sımona Halep úshinshi orynda keledi.
Eske sala keteıik, budan buryn taǵy bir qazaqstandyq Dmıtrıı Popkonyń AQSh-taǵy týrnırdiń jeńimpazy atanǵanyn jazǵan bolatynbyz.
Erler arasynda Qazaqstannyń birinshi raketkasy Mıhaıl Kýkýshkın búgin Madrıd týrnıriniń alǵashqy aınalymynda germanııalyq Fılıpp Kolshraıbermen sheberlik baıqasady.
