Zarına Dııas US Open týrnırinde álemniń 2-raketkasyna ese jiberdi
NUR-SULTAN. QazAqparat – Qazaqstandyq Zarına Dııas US Open týrnıriniń alǵashqy aınalymynda álemniń 2-raketkasy, aýstralııalyq Eshlı Bartımen kúsh synasty, dep habarlaıdy QazAqparat tilshisi.
Qarsylastar budan buryn, 2013 jyly Kýala-Lýmpýrda ózara kezdesip, onda E.Bartı jeńiske jetken edi.
Bul joly dúnıejúzilik reıtıngte 80-orynda turǵan Zarına birinshi partııada tamasha óner kórsetti.
Qos birdeı breık jasaǵan qazaqstandyq tennısshi 5:0 esebimen alǵa shyqty. Sodan keıin ǵana E.Bartı óz geımin aldy. Degenmen Z.Dııas bosańsyǵan joq – 6:1.
Ekinshi set áldeqaıda tartysty órbidi. Esep 4:3 bolǵan mezette E.Bartı breık jasap ketti. Sosyn ózi dop bergende, múmkindigin múlt jibergen joq – 6:3.
Úshinshi, sheshýshi partııada E.Bartı breıkpen alǵa shyqty – 2:1. Taǵy bir breık – 5:2. Aqyry ol jeńisti ýysynan shyǵarǵan joq – 6:2.
Báseke 1 saǵat 42 mınýtqa sozyldy.
E.Bartı ekinshi aınalymda álemniń 73-raketkasy, amerıkalyq Loren Devıs nemese reıtıngte 171-satyda turǵan shvetsııalyq ıÝhanna Larssonnyń bireýimen kortqa shyǵady.
Jarystyń alǵashqy kúni taǵy bir qazaqstandyq, reıtıngte 69-satydaǵy Elena Rybakına álemniń 44-raketkasy, chehııalyq Karolına Mýhovamen kúsh synasady.
AQSh-tyń ashyq chempıonatynda jekeleı synda sondaı-aq ıÝlııa Pýtıntseva, erlerden Mıhaıl Kýkýshkın men Aleksandr Býblık kortqa shyǵady.
Qazaqstannyń birinshi, álemniń 39-raketkasy ıÝ.Pýtıntseva bastapqy matchyn reıtıngte 78-oryndaǵy amerıkalyq Medıson Brenglmen ótkizedi. Reıtıngte 47-satydaǵy M.Kýkýshkın álemniń 10-raketkasy, ıspanııalyq Roberto Baýtısta-Agýtpen sheberlik baıqasady. Al álemniń 75-raketkasy A.Býblıktiń ekinshi aınalymǵa shyǵatyndaı múmkindigi bar. Ol negizgi týrnırge irikteý saıystarynan keıin qosylǵan reıtıngte 232-oryndaǵy kolýmbııalyq Santıago Hıraldonyń shamasyn baıqap kóredi.
Eske sala keteıik, budan buryn Zarına Dııastyń US Open týrnırinde álemniń 2-raketkasymen kezdesetinin, Elena Rybakınanyń negizgi jarysqa joldama alǵanyn jazǵan bolatynbyz.
