Zarına Dııas Ýımbldonnyń tórtinshi aınalymyna shyǵa almady
ASTANA. QazAqparat - Londonda tennısten ótip jatqan Ýımbldon týrnırinde qazaqstandyq tennısshi, álemniń 130-shy raketkasy, 1993 jylǵy Zarına Dııas búgin dúnıejúzilik reıtıntge odan bes saty keıin, 135-inshi orynda turǵan, ózinen eki jas úlken horvatııalyq Petra Martıchpen kortqa shyqty, dep habarlaıdy «QazAqparat» tilshisi.
Myscore.ru saıtynan tikeleı kórsetilimde málim bolǵanyndaı, tartysty ótken birinshi partııada bar másele taı-breıkte sheshildi. Munda horvatııalyq tennısshi 8:6 esebimen basym tústi. Ekinshi partııada óz geımderin sátti ótkizip, eki márte breık jasaǵan P.Martıch 5:0 esebimen alǵa ketti. Al Zarına óz múmkindikterin paıdalana almady. Tek bir ǵana geımdi óz paıdasyna jazǵanymen, 1:6 esebimen utylyp qaldy.
Osylaısha, jekeleı synda Ýımbldon týrnırinde Qazaqstannan eshkim qalǵan joq. Degenmen, ótken jyly jaraqat alyp, bıyl ǵana osyndaı iri jarysqa qosylǵan Z.Dııastyń Ýımbldon týrnıriniń úshinshi aınalymyna deıin jetýin tabys dep baǵalaýǵa bolady. Al P.Martıch tórtinshi aınalymda týrnır barysynda dúnıejúzilik reıtıngte úshinshi orynda kele jatqan chehııalyq Karolına Plıshkovany joldan taıdyrǵan álemniń 87-inshi raketkasy, slovakııalyq Magdalena Rybarıkovamen kúsh synasady.
Eske sala keteıik, Zarına Dııas 2014 jáne 2015 jyldary Ýımbldon týrnıriniń tórtinshi aınalymyna deıin baryp, ázirge sporttyq jolyndaǵy eń úzdik kórsetkishine qol jetkizgen bolatyn.
