Zarına Dııas Taıbeı týrnıriniń shırek fınalyna óte almady
ASTANA. QazAqparat - Qazaqstandyq Zarına Dııas Taıbeı týrnırinde rýmynııalyq Monıka Nıkýleskýmen kúsh synasty, dep habarlaıdy QazAqparat.
Bıyl 25 jasqa tolatyn Zarına osy dúısenbide jańartylǵan dúnıejúzilik reıtıngte 57-inshi orynǵa kóterilse, 30 jasar tájirıbeli Monıka 99-ynshy satyda keledi. Soǵan qaramastan, birinshi partııa rýmynııalyq tennısshiniń aıqyn basymdylyǵymen ótip, Zarına birde-bir geımdi ala almaı, 0:6 esebimen jeńilis tapty.
Ekinshi partııada qaıratyna minip, oıyn tizginin qolǵa alǵan Z.Dııas óz geımderin alýmen birge eki márte breık jasap, esepti 5:1-ge jetkizdi. Budan keıin ózi dop bergen geımdi utý qıyn bolǵan joq. Sóıtip 6:1 esebimen ese qaıyrdy.
Úshinshi, sheshýshi partııany birden breıkpen bastaǵan Zarına óz geımin de bermeı, 2:0 esebimen alǵa shyqty. Budan keıin rýmynııalyq sportshy tarazy basyn teńestire aldy. Qazaq qyzy qaıta breık jasaǵanymen, Monıka da qarap qalmady. Aqyry 2 saǵat 2 mınýtqa sozylǵan matchta Nıkýleský úshinshi partııada 6:4 esebimen jeńiske jetti.
Jalpy, sońǵy kezde Zarınanyń Rýmynııa eliniń ókilderimen kezdesýinde joly bolmaı júr. Budan buryn ol Avstralııa ashyq birinshiliginiń alǵashqy aınalymynda Sorana Kyrstıadan utylyp qalǵan bolatyn.
Aıta keteıik, Taıbeı týrnırinde (júlde qory - 226750 AQSh dollary) Qazaqstannyń birinshi, álemniń 51-inshi raketkasy ıÝlııa Pýtıntseva búgin dúnıejúzilik reıtıngte 273-inshi orynda turǵan Taıbeı eliniń ókili Chjan Kaıchjenmen kortqa shyǵady.
