Zarına Dııas sporttyq jolyndaǵy alǵashqy mıllıon dollaryna qol jetkizdi
ASTANA. QazAqparat - Zarına Dııas óz sporttyq jolyndaǵy birinshi mıllıon dollar júldelik aqshaǵa qol jetkizdi, dep habarlaıdy Vesti.kz.
Sportshy mıllıonǵa «Rolan Garrostaǵy» oıynynan keıin qol jetkize aldy. Jarystyń birinshi aınalymynan ótken Dııas ekinshisinde belgııalyq sportshy Elıson van Eıtvanktan jeńilip qaldy. Básekeniń ekinshi aınalymy úshin júlde somasy 60 myńǵa jýyq dollardy quraǵan. Qazirgi kezde tennısshi qyzdyń utyp alǵan júldelik aqshasy 1 mıllıon 46 myń dollardy qurap otyr.
Atap óteıik, qazaqstandyq tennısshi áıelder arasynda eń eń kóp utyp alǵan qarjy ıAroslava Shvedovaǵa (4,3 mıllıon dollar) tıesili. Bul kórsetkish boıynsha Shvedova mansap jolynda eń kóp júldelik aqsha somasyn jınaǵan oıynshylar «júzdiginde» 79-shy oryn alyp otyr. Atalǵan tizimdi álemniń birinshi raketkasy Serena Ýılıams (70 mıllıonǵa jýyq dollar) bastap tur.
Esterińizge sala keteıik, 2014 jyly Zarııana Dııas Ýımbldon jarysynyń tórtinshi aınalymyna deıin jetken, al aǵymdaǵy maýsymda Australian Open jarysynda eki aınalymnan ótti.
