Zarına Dııas Shtýtgart týrnıriniń ekinshi aınalymyna shyqty
ASTANA. QazAqparat - Germanııanyń Shtýtgart qalasynda ótip jatqan týrnırdiń alǵashqy aınalymynda Qazaqstannyń birinshi, álemniń 52-inshi raketkasy Zarına Dııas kort ıesi Karına Vıtteftpen kezdesti, dep habarlaıdy QazAqparat tilshisi.
Negizgi jarysqa irikteý saıystarynan keıin qosylǵan Zarına dúnıejúzilik reıtıngte 56-ynshy orynda turǵan qarsylasyn birinshi partııada 6:3 esebimen utty.
Ekinshi partııada esep 2:2 bolyp turǵan mezette qazaqstandyq tennısshi breık jasaı bildi. Sodan keıin qarqynyn kúsheıtken Zarına qarsylasyna esh múmkindik bergen joq. Sóıtip 6:2 esebimen jeńiske jetti.
Budan bir aı buryn Z.Dııas dál osy tennısshini Maıamı týrnırinde de tize búktirgen bolatyn.
Shtýtgart týrnıriniń shırek fınalyna shyǵý úshin Zarına álemniń besinshi raketkasy, latvııalyq Elena Ostapenkomen talasady.
Aıta keteıik, Býdapesht týrnırinde búgin qazaqstandyq Aleksandr Býblık Germanııa eliniń taǵy bir ókili ıAn-Lennard Shtrýftan 1:6, 4:6 esebimen jeńilip qaldy. Al ıÝlııa Pýtıntseva Ystanbul týrnırinde frantsııalyq Polın Parmantemen kúsh synasady.
Budan buryn qazaqstandyq tennısshilerdiń halyqaralyq týrnırlerde sátti óner kórsetip jatqanyn jazǵan bolatynbyz.
