Zarına Dııas Shtýtgardtaǵy halyqaralyq tennıs týrnırine qatysady
ASTANA. QazAqparat - Qazaqstannyń birinshi raketkasy Zarına Dııas Germanııanyń Shtýtgard qalasynda bastalatyn Porsche Grand Prix halyqaralyq tennıs týrnırine qatysady.
Álemdik reıtıngte 32-shi orynda turǵan Dııas bul jarystyń alǵashqy aınalymynda germanııalyq Sabına Lısıtskımen (19) kezdesedi. Ol bul qarsylasyn jeńse, onda polıak Agneshka Radvanska (7) men ıtalıandyq Sara Erranı (15) arasyndaǵy matchtyń jeńimpazymen oınaıdy. Zarına Dııas bul jarysqa alǵash ret qatysyp jatyr. 2014 jyly Shtýtgardtaǵy týrnırdi reseılik Marııa Sharapova utyp alǵan. Ol fınalda serbııalyq Ana Ivanovıchti jeńgen edi, dep jazady alaman.kz. Aıta keteıik, Porsche Grand Prix týrnıri 20-24 sáýir aralyǵynda Germanııanyń Shtýtgart qalasynda ótedi. Onyń jalpy júlde qory $710,000 quraıdy. Sonymen qatar jeńimpazǵa Porsche kóligi syıǵa tartylady.
