Zarına Dııas Rýmynııadaǵy týrnırdi sátti bastady

ASTANA. KAZINFORM – Qazaqstandyq tennısshi, álemniń 334-raketkasy Zarına Dııas Tyrgý-Mýresh (Rýmynııa) ITF W75 týrnıriniń ekinshi aınalymyna ótti.

Qazaqstandyq sportshy bastapqy kezdesýin dúnıejúzilik reıtıngide 645-orynda turǵan chehııalyq Aneta Labýtkovamen ótkizdi.

Birinshi partııada Zarına 6:2 esebimen basym tústi. Sol qarqynynan ekinshi sette de jańylǵan joq – 6:4.

Match 1 saǵat 21 mınýtqa sozyldy.

Zarına Dııas shırek fınalǵa shyǵý úshin reıtıngide 331-satydaǵy ıtalııalyq Kamılla Rozatellomen talasady. Ol álemniń 128-inshi, osy jarystyń 1-raketkasy, ýkraınalyq Darıa Snıgýrdy jeńip ketti – 7:6 (7:3), 6:4.

Eske sala keteıik, budan buryn Mıhaıl Kýkýshkınniń AQSh-taǵy jarysta kambek jasap, jeńiske jetkenin jazǵan bolatynbyz.