Zarına Dııas «Rolan Garrostyń» bas kortyna shyǵady
ASTANA. QazAqparat - Búgin Frantsııanyń tennıs boıynsha ashyq chempıonatynyń tórtinshi kúniniń jarystary ótedi, dep habarlaıdy Sports.kz.
Básekede qazaqstandyqtardyń atynan birinshi bolyp Zarına Dııas shyǵyp, Fılıpp Shatere atyndaǵy ortalyq kortta rýmynııalyq Sımona Haleppen kezdesedi. Ázirge qarsylastardyń arasyndaǵy esep -0:2, shyǵyseýropalyq tennıs mektebiniń ókili basym bolyp otyr. Oıynnyń bastalýy Astana ýaqytymen saǵat 15:00-ge josparlanǵan.
Juptyq razrıadta taǵy eki otandyq tennısshi shyǵady. ıÝlııa Pýtıntseva latysh sportshysy Elena Ostapenkomen juptasyp apaly-sińlili Ýılıamstarǵa qarsy oınaıdy.
Segizinshi kortta ıAroslava Shvedova men vengrııalyq tennısshi Tımea Babosh endi Avstralııa úshin shyǵyp otyrǵan Arına men Anastasııa Rodıonovalarmen baq talastyrady.
