Zarına Dııas Rolan Garros týrnırinde jeńilip qaldy
NUR-SULTAN. QazAqparat – Qazaqstandyq Zarına Dııas Rolan Garros týrnıriniń ekinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngide 76-orynda turǵan Z.Dııas alǵashqy aınalymda álemniń 35-raketkasy, Týnıs ókili Ons Jabermen kezdesti. Zarına bıyl 27-ge tolatyn bolsa, qarsylasy odan bir jasqa kishi edi.
Birinshi partııada qazaqstandyq tennısshi 6:4 esebimen basym tústi.
Ekinshi sette esep 4:3 bolǵan mezette týnıs tennısshisi breık jasap, sosyn óz geımin ala bildi – 6:3.
Úshinshi, sheshýshi sette O.Jaber breıkpen alǵa ketti – 2:1. Taǵy bir breık – 4:1. Aqyry ol matchty taǵy bir breıkpen túıindedi – 6:1.
Birshama tartysty ótken báseke 1 saǵat 47 mınýtqa sozyldy.
Osylaısha Frantsııa ashyq chempıonatyna jekeleı synda qatysyp jatqan bes qazaqstandyq tennısshiniń tórteýi alǵashqy aınalymnan sátti ótti. Tek Z.Dııas qana jarys jolynan shyǵyp qaldy.
O.Jaber ekinshi aınalymda reıtıngide 84-satydaǵy japonııalyq Nao Hıbınomen kortqa shyǵady. Japonııalyq sportshy reıtıngide 119-oryndaǵy ýkraınalyq Marta Kostıýkti 6:4, 6:0 esebimen tize búktirdi.
Osynyń aldyndaǵy Rım týrnırinde Z.Dııas dál osy N.Hıbınodan utylyp qalsa, keıin E.Rybakına sonyń esesin qaıyrǵan edi.
Eske sala keteıik, budan buryn A.Býblık Rolan Garros týrnırinde álemniń 9-raketkasyn utty, E.Rybakına jarysty sátti bastaǵan edi.
