Zarına Dııas Portýgalııadaǵy jarysta qarsylasyn oısyrata jeńdi

ASTANA. KAZINFORM – Qazaqstandyq tennısshi, álemniń 246-raketkasy Zarına Dııas Seıshal (Portýgalııa) ITF W50 týrnırin jeńispen bastady. 

Qazaqstandyq tennısshi alǵashqy aınalymda dúnıejúzilik reıtıngide 360-orynda turǵan úndistandyq Ankıta Raınamen jolyqty. Bul qos tennısshiniń ózara alǵashqy kezdesýi edi.

Zarına birinshi partııada bet qaratpady – 6:1. Ekinshi sette de sol qarqynynan jańylǵan joq – 6:3.

Qazaqstandyq tennısshiniń aıqyn basymdylyǵymen ótken match 1 saǵat 8 mınýtqa sozyldy.

Zarına Dııastyń kelesi qarsylasy keıin anyqtalady.

Eske sala keteıik, budan buryn Jibek Qulambaevanyń Nıderlandtaǵy týrnırde alǵashqy qarsylasyn tize búktirgenin jazǵan bolatynbyz.