Zarına Dııas pen Mıhaıl Kýkýshkın Tsıntsınnatı týrnıriniń irikteý saıysynda jeńilip qaldy
NUR-SULTAN. QazAqparat – Qazaqstandyqtar Zarına Dııas pen Mıhaıl Kýkýshkın AQSh-ta ótip jatqan Tsıntsınnatı masters týrnıriniń irikteý saıysynda jeńilip qaldy, dep habarlaıdy QazAqparat tilshisi.
Álemniń 66-raketkasy Z.Dııas dúnıejúzilik reıtıngte 133-orynda turǵan 20 jastaǵy amerıkalyq Enn Lımen kezdesti.
Qazaqstandyq sportshy tájirıbeli ári reıtıngisi joǵary bolǵanymen, jas qarsylasyna 1:6, 3:6 esebimen ese jiberdi.
Match 1 saǵatqa sozyldy.
Erler arasyndaǵy osy týrnırdiń irikteý básekesinde reıtıngte 91-satyda turǵan M.Kýkýshkın álemniń 77-raketkasy, ulybrıtanııalyq Kemeron Norrımen sheberlik baıqasty.
Birshama tartysty ótken kezdesýde K.Norrı 7:6 (7:3), 6:2 esebimen jeńiske jetti.
Báseke 1 saǵat 27 mınýtqa sozyldy.
Osylaısha Zarına Dııas pen Mıhaıl Kýkýshkın irikteý saıysynyń fınalyna shyǵa almady. Bul olardyń koronavırýs indetine baılanysty oryn alǵan úzilisten keıingi alǵashqy dodasy bolatyn.
Munyń aldynda qazaqstandyqtardan ıÝlııa Pýtıntseva ǵana jarys jolyna shyqqan edi.
Qazaqstannyń birinshi, álemniń 17-raketkasy Elena Rybakına men ıÝ.Pýtıntseva Tsıntsınnatıdyń negizgi týrnırinde baq synaıdy.
E.Rybakına alǵashqy aınalymda álemniń 27-raketkasy, bıyl reseılik tennısshilerdiń kóshbasshysyna aınalǵan Ekaterına Aleksandrovamen qaı myqtyny anyqtaıdy. Bıyl jyl basynda E.Rybakına Qytaıdaǵy Shenchjen WTA týrnıriniń fınalynda osy E.Aleksandrovadan jeńilip qalǵan edi. Endi sonyń esesin qaıtara ala ma, ony aldaǵy oıyn kórsetedi.
Álemniń 33-raketkasy ıÝ.Pýtıntseva reıtıngte ózinen úsh saty tómen turǵan qytaılyq Chjan Shýaıdyń sheberligin baıqap kóredi.
Bul masters týrnır 22 tamyzda bastalyp, 28-inde márege jetedi.
Erler arasynda Tsıntsınatıdyń negizgi jarysynda Qazaqstannyń birinshi, álemniń 51-raketkasy Aleksandr Býblık birinshi aınalymda reıtıngte 15-orynda turǵan reseılik Karen Hachanovpen kortqa shyǵady.
Eske sala keteıik, budan buryn ıÝ.Pýtıntsevanyń AQSh-taǵy týrnırdiń shırek fınalyna shyǵa almaǵanyn jazǵan bolatynbyz.
