Zarına Dııas óziniń týǵan kúninde jeńiske jetti

ASTANA. KAZINFORM – Qazaqstandyq, álemniń 488-raketkasy Zarına Dııas Kaıserı (Túrkııa) ITF W50 týrnıriniń shırek fınalyna joldama aldy.

Búgin 31 jasqa tolǵan qazaqstandyq tennısshi ekinshi aınalymda germanııalyq Pııa Prefkemen synǵa tústi.

Birinshi partııada Zarına 3:0 esebimen alǵa ketkenimen, germanııalyq, 21 jastaǵy tennısshi tarazy basyn teńestire aldy. Degenmen taı-breıkte Dııas aıqyn basymdylyq tanytty – 7:6 (7:1).

Ekinshisinde Zarına qarqynyn tipti údetti – 6:1.

Z.Dııas alǵashqy aınalymda álemniń 256-ynshy, osy jarystyń 5-raketkasy, rýmynııalyq Patrısııa-Marııa Tıgti joldan taıdyrǵan edi — 3:6, 6:4, 6:2.

Zarına Dııas jartylaı fınalǵa shyǵý úshin túrkııalyq Denız Dılekpen talasady. Ol kútpegen jerden álemniń 212-inshi, dodanyń 1-raketkasy, Kıpr ókili Ralýka Djordjana Sherbandy utyp ketti – 6:4, 6:4.

Qazaqstannyń ekinshi, álemniń 32-raketkasy ıÝlııa Pýtıntseva Nınbo (Qytaı) WTA 500 jarysynyń jartylaı fınalynan tys qaldy. Ol shırek fınalda álemniń 11-raketkasy, reseılik Darıa Kasatkınadan aılasyn asyra almady – 4:6, 6:1, 6:7 (6:8). 2 saǵat 42 mınýtqa sozylǵan asa tartysty básekede ıÝ.Pýtıntseva taı-breıkte 6:4 esebimen alǵa shyǵyp, qos birdeı matchbolyn paıdalana almady. 

Sondaı-aq Qazaqstannyń erler arasyndaǵy ekinshi, álemniń 61-raketkasy Aleksandr Shevchenko Almaty ATP 250 týrnıriniń shırek fınalynda reıtıngide ózinen 30 saty joǵary turǵan argentınkalyq Frantsısko Serýndolodan utylyp qaldy – 2:6, 3:6.

Eske sala keteıik, budan buryn Aleksandr Nedovesovtiń kambekpen Belgııadaǵy jarystyń jartylaı fınalyna ótkenin jazǵan bolatynbyz.