Zarına Dııas Nottıngem týrnıriniń shırek fınalyna shyǵa almady
NUR-SULTAN. QazAqparat – Qazaqstandyq Zarına Dııas Nottıngem WTA 250 týrnıriniń shırek fınalyna shyǵa almady, dep habarlaıdy QazAqparat tilshisi.
Dúnıejúzilik reıtıngte 93-orynda turǵan Z.Dııas kógal tósenishinde ótip jatqan jarystyń úshinshi aınalymynda álemniń 46-ynshy, osy dodanyń 4-raketkasy, qytaılyq Chjan Shýaımen kúsh synasty.
Birinshi partııany qytaılyq tennısshi breıkpen bitirdi – 6:4.
Ekinshi sette esep 2:1 bolǵan mezette Ch.Shýaı breık jasap ketti. Aqyry ol matchty taǵy bir breıkpen túıindedi – 6:2.
Báseke 1 saǵat 11 mınýtqa sozyldy.
Qytaılyq sportshy jartylaı fınalǵa shyǵý úshin álemniń 61-raketkasy, frantsııalyq Krıstına Mladenovıchpen talasady. Ol tartysty matchta reıtıngte 110-satydaǵy amerıkalyq Ketı Maknallıdi 7:6 (8:6), 1:6, 6:1 esebimen tize búktirdi.
Eske sala keteıik, budan buryn Dmıtrıı Popkonyń Almaty týrnıriniń shırek fınalyna, qazaqstandyq juptyń tuńǵysh ret Rolan Garros jarysynyń fınalyna shyqqanyn jazǵan bolatynbyz.
Sondaı-aq Aleksandr Nedovesov juptyq synda Bratıslava týrnıriniń jartylaı fınalyna shyqty.
