Zarına Dııas Nottıngem týrnırinde baq synaıdy
ASTANA. QazAqparat - Qazaqstannyń birinshi raketkasy Zarına Dııas 8-14 maýsym aralyǵynda Ulybrıtanııanyń Nottıngem týrnırinde ótetin halyqaralyq týrnırde baq synaıdy.
Chempıonat.kom saıtynan alynǵan málimetke qaraǵanda, osy jarystyń ekinshi raketkasy bolyp tirkelgen Zarına alǵashqy aınalymda ıtalıandyq tájirıbeli tennısshi, 2010 jyly «Rolan Garros» týrnırin utqan Francheska Skıavonemen sheberlik baıqasady. Ýımbldon týrnırine daıyndyq bolyp esepteletin atalmysh jarystyń júlde qory - 250 myń AQSh dollary. Nottıngem týrnıriniń birinshi raketkasy - polıak qyzy Agneshka Radvanska. Eske sala keteıik, keshe márege jetken «Rolan Garros» týrnıriniń ekinshi aınalymynda Z.Dııas belgııalyq Alıson van Ýıtvankten jeńilip qalǵan bolatyn. Odan keıin de sátti óner kórsetken belgııalyq tennısshi shırek fınalǵa deıin jetti.
