Zarına Dııas Maıamı masters týrnıriniń úshinshi aınalymyna shyǵa almady
NUR-SULTAN. QazAqparat - Qazaqstandyq Zarına Dııas Maıamı WTA 1000 týrnıriniń úshinshi aınalymyna shyǵa almady, dep habarlaıdy QazAqparat tilshisi.
Dúnıejúzilik reıtıngte 89-orynda turǵan Z.Dııas ekinshi aınalymda álemniń 12-raketkasy, shveıtsarııalyq Belında Benchıchpen kezdesti.
Birinshi partııada shveıtsarııalyq sportshy aıqyn basymdylyq kórsetti - 6:2.
Ol ekinshi sette de qarqynyn kemitken joq - 6:1.
Báseke 1 saǵat 16 mınýtqa sozyldy.
B.Benchıch úshinshi aınalymda álemniń 20-raketkasy, chehııalyq Marketa Vondrýshova nemese reıtıngte 38-satydaǵy qytaılyq Van Tsıannyń bireýimen sheberlik baıqasady.
Eske sala keteıik, budan buryn Zarına Dııastyń álemniń burynǵy birinshi raketkasyn utqanyn, qazaqstandyq juptyń Horvatııadaǵy týrnırdiń jartylaı fınalyna shyqqanyn jazǵan bolatynbyz.
