Zarına Dııas Manchesterdegi halyqaralyq týrnırdiń shırek fınalyna shyqty
ASTANA. QazAqparat - Qazaqstandyq tennısshi Zarına Dııas Ulybrıtanııanyń Manchester qalasynda ótip jatqan WTA sanatyndaǵy halyqaralyq týrnırdiń shırek fınalyna shyqty.
Otandasymyz 1/8 fınalda aýstralııalyq tennısshi Arına Rodıonovany utty. oıyn 1 saǵat 6 mınýtqa sozylyp, Zarına Dııas qarsylasyn eki sette de qapy qaldyrdy. Birinshi sette 6:2, ekinshi sette 6:3 esebi tirkeldi.
Qazaqstandyq tenıısshi shırek fınalda Polsha eliniń tennısshisi Magdalena Freshpen kezdesedi.
Zarına qazirgi WTA reıtınginde 207-orynda bolsa, qarsylasy 264-orynda tur.
