Zarına Dııas Malaızııa týrnıriniń shırek fınalynda jarystyń birinshi raketkasymen kezdesedi
ASTANA. QazAqparat - Qazaqstandyq tennısshi Zarına Dııas Malaızııada ótip jatqan WTA týrnıriniń shırek fınalynda jarystyń birinshi raketkasy slovakııalyq Domınıka Tsıbýlkovamen oınaıdy.
Ekinshi aınalymda Tsıbýlkova Taıvan sportshysy Sı Sýveıdi 6:1, 6:2 esebimen tize búktirip, shırek fınalǵa joldama aldy.
Al jerlesimiz Z.Dııas bolsa, óz kezeginde ıtalıandyq tennısshi Djýlııa Gatto-Montıkoneni 6:1, 6:4 esebimen jeńgen bolatyn. 20 jastaǵy sportshymyz birinshi aınalym matchynda Grekııanyń 31 jastaǵy sportshysy Elenı Danılıdýdi 6:2, 6:2 esebimen oısyrata utqandyǵyn esterińizge salaıyq.
Aıta keteıik, Kýala-Lýmpýrda ótip jatqan halyqaralyq dodanyń jalpy syıaqy qory 250 myń AQSh dollaryn quraıdy.
