Zarına Dııas kortqa qaıta oralatynyn málimdedi
Qazaqstan tennıs federatsııasynan málim etkendeı, 29 jastaǵy Z.Dııas sońǵy jyl jarymda eki match qana ótkizdi.
Australian Open-2022 dodasynda alǵashqy aınalymda otandasy Elena Rybakına ese jiberdi. Al ótken jyly Rolan Garros týrnıriniń irikteý saıysynda utylyp qaldy.
Uzaqqa sozylǵan jaraqatyna baılanysty álemniń burynǵy 31-raketkasy kortqa orala almaı júrgen bolatyn.
«Dostar, bárińizge sálem! Men áli qalpyma kelip jatyrmyn. Kógaldaǵy maýsymda oralamyn ba dep edim, ókinishke qaraı, qalpyma kelýge kóp ýaqyt ketti. Bárińizge málim, men ıyǵymnan jaraqat alǵanmyn. Bári oıdaǵydaı júrip jatyr, hard tósenishinde AQSh-ta ótetin jarystarǵa (shildeniń aıaǵy) qosylamyn ba dep otyrmyn», dep jazdy Zarına Instagram paraqshasynda.
Eske sala keteıik, budan buryn qazaqstandyq úsh jas tennısshiniń Tegerandaǵy týrnırdiń shırek fınalyna shyqqanyn jazǵan edik.
Tegerandaǵy týrnırdiń jartylaı fınalynda qazaqstandyq qos tennısshi kezdesedi.
