Zarına Dııas Qytaıdaǵy arnaıy týrnırdiń fınalyna shyqty

ASTANA. KAZINFORM — Qytaıdyń Chendý qalasynda Azııa – Tynyq muhıt aımaǵy boıynsha 2026 jylǵy Aýstralııa ashyq chempıonatyna arnaıy irikteý týrnıri ótip jatyr.

Qazaqstandyq tennısshi Zarına Dııas bastapqy úsh kezdesýin jeńispen aıaqtady.

Kileń jergilikti sportshylarmen kortqa shyqqan Zarına aldymen ıAo Sınsındi 6:3, 6:4 esebimen tize búktirdi.

Odan keıin shırek fınalda Jan Jýnhanǵa múmkindik qaldyrmady – 6:3, 7:5.

Z.Dııas jartylaı fınalda Han Shımen sheberlik baıqasty. Bes breıkke qol jetkizgen Zarına qarsylasyn 6:1, 6:3 esebimen utty. Shı bir ǵana breıkpen kózge tústi.

Osylaısha, Zarına Dııas senbi kúni fınalda Aýstralııa ashyq chempıonatynyń joldamasy úshin talasady.

Eske sala keteıik, budan buryn 18 jastaǵy Ámir Omarhanovtyń jeńis serııasyn 7 matchqa jetkizgenin jazǵan bolatynbyz.

Sondaı-aq Denıs Evseev Pákistandaǵy jarystyń jartylaı fınalyna joldama aldy.