Zarına Dııas Istbýrnnyń negizgi týrnırine óte almady
NUR-SULTAN. QazAqparat - Qazaqstandyq Zarına Dııas Istbýrnnyń negizgi týrnırine óte almady, dep habarlaıdy QazAqparat tilshisi.
Dúnıejúzilik reıtıngte 89-orynda turǵan Z.Dııas irikteý saıystarynyń fınalynda álemniń 59-raketkasy, reseılik Veronıka Kýdermetovamen kezdesti. Birinshi partııa taı-breıkke deıin jetip, onda reseılik tennısshiniń joly boldy - 7:6 (7:4). Ekinshi sette Zarına 4:1 esebimen alda turdy. Alaıda sol basymdylyǵyn paıdalana almady. Munda da V.Kýdermetova sátti oınady - 7:5.
Tartysty báseke 1 saǵat 49 mınýtqa sozyldy.
Osylaısha Z.Dııas Istbýrnnyń negizgi jarysynan tys qaldy. Degenmen, endigi maqsat - 1-14 shilde aralyǵynda ótetin Ýımbldon jarysynda sátti óner kórsetý. Aldaǵy aptada osy týrnırdiń irikteý syndary bastalady.
Erler arasynda Istbýrnnyń irikteý saıysyna Aleksandr Býblık qatysýda. Ol bastapqy kezdesýin kanadalyq Stıven Dıaspen ótkizedi.
Eske sala keteıik, budan buryn ıÝlııa Pýtıntseva Bırmıngem týrnıriniń jartylaı fınalyna óte almaǵan bolatyn.
