Zarına Dııas Ispanııadaǵy jarystyń jeńimpazy atandy

ASTANA. KAZINFORM — Qazaqstandyq, álemniń 275-raketkasy Zarına Dııas Taýste (Ispanııa) ITF W35 týrnıriniń chempıony atandy.

Jarystyń 2-raketkasy bolyp tirkelgen qazaqstandyq tennısshi fınalǵa deıin irkilmeı jetti.
Sońǵy básekede Zarına álemdik reıtıngide 446-orynda turǵan ıtalııalyq Dıletta Kerýbınımen chempıondyq ataq úshin kortqa shyqty.

Birinshi partııada Z.Dııas 3:0 esebimen alǵa ketti. Sodan keıin taǵy bir breıkke qol jetkizdi — 6:1.

Ekinshi set breık almasýmen bastaldy. Esep 3:3 bolǵan mezette qazaqstandyq sportshy breık jasap, óz geımin de aldy — 5:3. Alaıda Kerýbını tarazy basyn teńestirip, taı-breıkte sátti oınady — 7:6 (7:4).

Úshinshi, sheshýshi partııada Zarına aıqyn basymdylyq kórsetti — 6:1.

Tartysty ótken match eki saǵatqa sozyldy.

Bul — jaraqatyna baılanysty eki jyldyq úzilisten keıin kortqa 2024 jyly oralǵan Z.Dııastyń sodan bergi ITF dodalaryndaǵy úshinshi trofeıi.

Eske sala keteıik, budan buryn Aleksandr Býblıktiń Germanııadaǵy jarystyń jartylaı fınalyna ótkenin jazǵan bolatynbyz.

Sondaı-aq Anna Danılına Nottıngem týrnıriniń bas júldesine talasady.

Aleksandr Býblık ekinshi ret Galle týrnıriniń fınalyna shyqty.