Zarına Dııas Ispanııadaǵy jarysty jeńispen bastady

ASTANA. KAZINFORM — Qazaqstandyq, álemniń 275-raketkasy Zarına Dııas Taýste (Ispanııa) ITF W35 týrnıriniń ekinshi aınalymyna shyqty.

Jarystyń 2-raketkasy bolyp tirkelgen qazaqstandyq sportshy alǵashqy aınalymda dúnıejúzilik reıtıngide 934-orynda turǵan ıspanııalyq, 21 jastaǵy Rakel Gonsalespen kezdesti.

Birinshi partııada Zarına 6:4 esebimen basym tústi.

Ekinshisinde jergilikti tennısshi ese qaıyrdy — 6:3.

Úshinshi, sheshýshi sette Z.Dııas jeńisti julyp aldy — 7:5.

Tartysty match 2 saǵat 18 mınýtqa sozyldy. 

Zarına Dııastyń kelesi qarsylasy keıin anyqtalady.

Eske sala keteıik, budan buryn Tımofeı Skatovtyń Polshadaǵy jarystyń ekinshi aınalymyna ótkenin jazǵan bolatynbyz.