Zarına Dııas halyqaralyq týrnırdiń fınalyna shyqty
ASTANA. QazAqparat - Qazaqstandyq tennısshi, álemniń 100-shi raketkasy Zarına Dııas halyqaralyq Tokıo týrnıriniń fınalyna shyqty, dep habarlaıdy «QazAqparat» tilshisi.
Myscore.ru saıtynan alynǵan málimetke qaraǵanda, Zarına jartylaı fınalda amerıkalyq, álemniń 62-inshi raketkasy Krıstına Makheılmen sheberlik baıqasty. 2 saǵat 10 mınýtqa sozylǵan kezdesýdiń birinshi partııasynda Z.Dııas 6:4 esebimen basym tústi. Ekinshi partııada amerıkalyq tennısshi 6:0 esebimen ese qaıyrdy. Esesine sheshýshi, úshinshi partııada Zarına 6:3 esebimen jeńiske jetti.
17 qyrkúıekte ótetin fınalda Zarına japonııalyq Mııý Kato nemese horvatııalyq, jıyrma jasar ıAna Fettiń qaı jeńgenimen kezdesedi.
Bul - Zarınanyń sporttyq jolyndaǵy WTA týrnırindegi ekinshi fınaly. Budan buryn 2014 jyly Japonııanyń Osaka qalasynda ótken jarysta ataqty avstralııalyq tennısshi Samanta Stosýrǵa jol bergen bolatyn.
Eske sala keteıik, Tokıo týrnıriniń júlde qory 226 750 AQSh dollaryn quraıdy.
