Zarına Dııas Federatsııa kýbogy oıyndaryndaǵy josparymen bólisti
ASTANA. QazAqparat - Qazaqstandyq tennısshi Zarına Dııas Federatsııa kýbogy matchtary aldyndaǵy daıyndyǵy týraly aıtyp berdi, dep habarlaıdy QazAqparat tilshisi.
«Men Taıland pen Úndistan elderiniń tennısshileri kelgeli jatqanyn bilgen joqpyn. Úndistannyń ókilimen ótken jyly Federatsııa kýbogynda oınap, jeńgen bolatynmyn. Taılandtan jas tennısshi keldi. Sol sebepti, ol týraly kóbirek aqparatymyz joq. Biz ol týraly mindetti týraly bilip, qajetti jospar quratyn bolamyz», - dedi Zarına Dııas Astanadaǵy Ulttyq tennıs ortalyǵynda ótken baspasóz máslıhatynda.
Eske sala ketsek, 6-9 aqpan kúnderi Astanadaǵy Ulttyq tennıs ortalyǵynda Federatsııa kýbogynyń matchy ótetinin buǵan deıin habarlaǵan bolatynbyz.
«Federatsııa kýbogy - ózderińiz biletindeı úlken jarys. Bizdiń elimizdegi tennısten ótetin saıysqa álemniń eń myqty komandalary jınalyp otyr. Qazaqstannyń atynan shyǵyp júrgen eń myqty oıynshylar da, minekeı, elimizge kelip, óner kórsetedi. Bizdiń maqsatymyz - Álemdik toptyń pleı-off deńgeıine shyǵý. 2013 jáne 2017 jyly ol kezeńde bolǵanbyz. Sol sebepti bul jerde jaqsy múmkindik týyp otyr. Tennısshilerimizdiń daıyndyǵy jaqsy. Birinshi raketkamyz ıÝlııa Pýtıntseva bolsa, ekinshi raketkamyz - Zarına Dıas. Jupty oıynnan kásiptik oıynǵa Galına Voskobaeva keldi. Byltyr biz Úndistanda Japonııa komandasynan jeńilip qalǵan bolatynbyz. Japonııa keıinirek Álem tobyna oraldy. Azııa-Okeanııa toby óte myqty. Sol sebepti ońaı bolmaıdy. Eń myqty qarsylastarymyz - topta Úndistan desek, fınalǵa ótsek, Qytaı komandasy myqty bolmaq», - degen edi Astanada ótken baspasóz máslıhatynda tennısten Qazaqstan quramasynyń kapıtany Dıas Dosqaraev.
