Zarına Dııas Charlston týrnırinde jeńilip qaldy
ASTANA. QazAqparat - Qazaqstannyń birinshi raketkasy Zarına Dııas búgin Charlston týrnıriniń alǵashqy aınalymynda amerıkalyq Krıstına Mahkeılmen kezdesti, dep habarlaıdy QazAqparat tilshisi.
Dúnıejúzilik reıtıngte 86-orynda turǵanyna qaramastan, urymtal tustarda sátti oınaǵan K.Mahkeıl birinshi partııada 6:4 esebimen jeńiske jetti.
Kort ıesi ekinshi partııada qarqynyn odan saıyn údetip, 5:1 esebimen alǵa shyqty. Budan keıin Zarına óz geımin alǵanymen, Krıstına óz basymdylyǵyn saqtap qaldy. Sóıtip bul partııany da 6:2 esebimen utty.
Osylaısha 1 saǵat 35 mınýtqa sozylǵan matchta ese jibergen Zarına júlde qory 800 myń AQSh dollaryn quraıtyn Charlston týrnıriniń birinshi aınalymynan asa almady.
Eske sala keteıik, qazaqstandyq tennısshiniń Maıamı týrnıriniń tórtinshi aınalymyna deıin jetip, dúnıejúzilik reıtıngte 48-orynǵa kóterilgenin budan buryn jazǵan bolatynbyz.
