Zarına Dııas Aýstralııa chempıonatynyń alǵashqy aınalymynda súrindi
ASTANA. QazAqparat - Melbýrn qalasynda ótip jatqan Aýstralııa chempıonatynyń alǵashqy aınalymynda Zarına Dııas rýmynııalyq Sorana Kyrstıamen kúsh synasty, dep habarlaıdy QazAqparat.
Álemdik reıtıngte S.Kyrstıa 36-orynda tursa, Zarına 60-ynshy satyda kele jatqan bolatyn. Soǵan qaramastan, match óte tartysty órbidi. Birinshi partııada rýmynııalyq tennısshi 2:0 esebimen alǵa shyqqanymen, kóp uzamaı Z.Dııas tarazy basyn teńestirdi. Esep 5:5 bolyp turǵan kezde Zarına taǵy bir breık jasap, 7:5 esebimen jeńiske jetti.
Ekinshi partııada qarsylastar birazǵa deıin bir-birine aldyrǵan joq. Degenmen S.Kyrstıa 6:4 esebimen basym tústi.
Úshinshi, sheshýshi partııada Z.Dııas qarsylasyp baqqanymen, rýmynııalyq tennısshiniń sheberligi basymdaý boldy. Ásirese, sońǵy geımde tórt matchboldan keıin Zarına breık-poıntty paıdalana almady. Sóıtip besinshi matchbolyn qur jibermegen S.Kyrstıa 6:3 esebimen jeńiske jetti. Tartysty ótken kezdesý 2 saǵat 19 mınýtqa sozyldy.
Áıelder arasynda Qazaqstannyń birinshi, álemniń 54-inshi raketkasy ıÝlııa Pýtıntseva búgin alǵashqy aınalymda dúnıejúzilik reıtıngte 68-inshi orynda turǵan Ulybrıtanııa eliniń ókili Hıter Ýotsonmen sheberlik baıqasady. Aýstralııa chempıonatynda Qazaqstannan tek ıÝ.Pýtıntseva ǵana qaldy.
Erler arasyndaǵy synda Qazaqstannan jalǵyz qatysqan álemniń 69-ynshy raketkasy Mıhaıl Kýkýshkın de birinshi aınalymnan asa almaı, dúnıejúzilik reıtıngte 62-inshi orynda turǵan germanııalyq Peter Goevchıkke 3:6, 3:6, 1:6 esebimen ese jiberdi.
Aıta keteıik, Z.Dııas úshin 2014 jáne 2015 jylǵy Avstralııa chempıonattary birshama sátti bolǵan edi. Onda Zarına úshinshi aınalymǵa deıin jetip, sáıkesinshe álemniń qazirgi jáne burynǵy birinshi raketkalary, rýmynııalyq Sımona Halep pen reseılik Marııa Sharapovaǵa jol bergen bolatyn.
Foto prosports.kz
