Zarına Dııas Almatyda jas tennısshilermen sheberlik saǵatyn ótkizdi
ALMATY. KAZINFORM — Qazaqstandyq oıynshy Zarına Dııas Almaty qalasynda jas tennısshilermen sheberlik saǵatyn ótkizdi.
TsSKA tennıs ortalyǵynda Zarına árbir qatysýshymen dop qaǵysyp, jeke keńesterin berdi.
«Balalarmen oınaǵanyma óte qýanyshtymyn. Olardyń tennıske degen qyzyǵýshylyǵy óte joǵary. Qazaqstanda tennıs qarqyndy damyp keledi. Sondyqtan elimizden kóptegen chempıondar shyǵatynyna senimdimin. Sheberlik saǵatyna balalar men ata-analardyń kóptep kelgeni qýantady», - dedi Zarına Dııas.
Sheberlik saǵatynan keıin Zarına óz jankúıerlerine qoltańbasyn taratyp, sýretke tústi. Sondaı-aq aldaǵy josparlarymen bólisti.
Qazaqstan áıelder quramasynyń kapıtany ıÝrıı Şýkınniń Bıllı Djın Kıng kýboginiń Japonııamen syrt alańda 12-13 sáýirde ótetin irikteý matchyna qatysý úshin Zarınany komandaǵa qosqany belgili. Jaraqatyna baılanysty uzaq úzilisten keıin Z.Dııas el namysyn qorǵamaqshy.
Eske sala keteıik, budan buryn Beıbit Juqaevtyń Meksıkada asa tartysty matchta germanııalyq tennısshini utqanyn jazǵan bolatynbyz.
Sondaı-aq Maıamı týrnırinde shırek fınalǵa shyqqan barlyq tennısshiler anyqtaldy.
