Zarına Dııas álemdik reıtıngte úzdik júzdikke qaıta oraldy
NUR-SULTAN. QazAqparat – Qazaqstandyq tennısshilerdiń búgin jańartylǵan álemdik reıtıngindegi oryndary belgili boldy, dep habarlaıdy QazAqparat tilshisi.
Qazaqstan tennıs federatsııasy málim etkenindeı, erler arasynda elimizdiń birinshi raketkasy Aleksandr Býblık 35-ten 34-orynǵa kóterildi.
Osylaısha A.Býblık dúnıejúzilik reıtıngidegi óziniń úzdik nátıjesin qaıtalap otyr.
Tımofeı Skatov 269-dan 266-ǵa joǵarylady. Bul onyń rekordtyq kórsetkishi bolyp tabylady.
Kerisinshe Mıhaıl Kýkýshkın 147-den 159-ǵa syrǵydy.
Dmıtrıı Popko 161-den 162-ge aýysty.
Beıbit Jýkaev 760-tan 746-orynǵa jaıǵasty.
Áıelder arasynda Qazaqstannyń birinshi raketkasy Elena Rybakına 17-den 19-ǵa syrǵydy.
ıÝlııa Pýtıntseva 44-ornynda qalsa, Zarına Dııas 104-ten 100-satyǵa kóterildi. Sóıtip Zarına úzdik júzdikke qaıta oraldy.
Eske sala keteıik, budan buryn Jibek Qulambaevanyń Qaraǵandydaǵy týrnırdiń chempıony atanǵanyn, Zarına Dııastyń AQSh-taǵy týrnırdiń fınalynda ese jibergenin jazǵan bolatynbyz.
