Zarına Dııas álemdik reıtıngte 2 satyǵa joǵarylady
ASTANA. QazAqparat - Qazaq tennısshisi Zarına Dııas álemdik reıtıngte 33-orynnan 31-orynǵa kóterildi. Bul týraly alaman.kz saıty habarlady.
Ol osy aptada Dýbaıdaǵy jarystyń úshinshi kezeńine deıin jetkeni úshin reıtıngine 105 upaı qosyldy. Qazir Dııasta 1495 upaı bar. Ol endi 23 aqpanda bastalatyn Qatar Open jarysyna qatysady.
Alǵashqy kezeńde týnıstik 20 jastaǵy Ýns Jabırmen (127) kezdesedi. Ony jeńse, germanııalyq Andrea Petkovıchpen (10) oınaıdy. Dııas pen Petkovıch ótken aptada Dýbaıdaǵy jarystyń ekinshi aınalymynda oınap, qazaq tennısshisi eki sette jeńiske jetken.
Reıtıngke qaıta oralsaq, ıAroslava Shvedova 53-orynnan 52-orynǵa joǵarylasa, ıÝlııa Pýtıntseva 110-orynnan 112-orynǵa syrǵydy.
Erler reıtınginde Mıhaıl Kýkýshkın 57-den 58-orynǵa tómendegen. Al Andreı Golýbev - 81-orynnan 108-orynǵa, Aleksandr Nedovesov 116-orynnan 131-orynǵa bir-aq tústi.
Andreı Golýbev 23 aqpanda bastalatyn Dýbaıdaǵy jarysqa qatysady.
