Zarına Dııas AQSh-taǵy bedeldi týrnırdiń birinshi aınalymynda jeńiliske ushyrady
ASTANA. QazAqparat - Qazaqstandyq tennısshi Zarına Dııas AQSh-tyń Indıan-Ýells qalasynda ótip jatqan bedeldi Premier BNP Paribas Open týrnıriniń birinshi aınalymynda jeńiliske ushyrady, dep habarlaıdy QazAqparat «SPORTINFORM» SAA-ǵa silteme jasap.
Týrnırdiń alǵashqy matchynda 25 jastaǵy sportshy qatarlasy, AQSh ókili Djessıka Pegýlamen kezdesti. 54 mınýtqa sozylǵan kezdesýde amerıkalyq tennısshi 6:1, 6:1 esebimen jeńiske jetti.
Aıta keteıik, Zarına men Djessıka WTA reıtınginde 94-shi jáne 93-shi oryndardy ıelep turǵanyna qaramastan, buǵan deıin olardyń joly túıispegen.
Endi Pegýla ýkraınalyq Lesıa Tsýrenkomen kúsh synasady.
Eske sala keteıik, buǵan deıin Qazaqstannyń birinshi, álemniń 47-raketkasy ıÝlııa Pýtıntseva Indıan-Ýells (AQSh) týrnırin jeńispen bastaǵanyn habarlaǵan edik.
