Zarına Ábdıevaǵa «Dostastyq jaýyngeri» ataǵy berildi

ASTANA. QazAqparat - 78639 áskerı bóliminiń bazasynda QR QK Áýe qorǵanysy kúshterine qarasty áskerı bólimderdiń kelisimshart boıynsha áskerı qyzmetshileri arasynda "Dostastyq jaýyngeri» atty áskerı-kásibı sheberlik saıysynyń qorytyndysyn shyǵardy.

Atap aıtsaq, jarysqa barlyǵy 30 áskerı qyzmetshi qatysty. Birinshi kezeńde olar sporttyq pánderden, oq atý daıarlyǵy men kásibı sheberlikten saıysqa tústi. Al ekinshi kezeńde áskerı tarıh, quqyqtaný jáne shyǵarmashylyq (estrada ánderin aıtý, bı bıleý) aýqymynda ózderiniń bilim deńgeılerin kórsetti.

Bul baıqaýda Áýe qorǵanysy kúshteriniń bas qolbasshylyǵyna qarasty 657-shi qamtamasyz etý komendatýrasynyń áskerı qyzmetshisi kishi serjant Zarına Ábdıevaǵa qazylar alqasynyń sheshimimen birinshi oryn berildi. Sondaı-aq ol baıqaýdaǵy jeńisi úshin merziminen buryn «serjant» kezekti áskerı ataǵyna usynyldy.

«Meni qoldaǵan adamdarǵa alǵysymdy bildiremin. Qatty ýaıymdaǵanym sonshalyq, nátıjesi osyndaı bolady dep oılamappyn», - deıdi jeńimpaz qyz.

Áýe qorǵanysy kúshteriniń basshylyǵy júldeli oryndarǵa ıe bolǵan qatysýshylardy gramotalarmen jáne baǵaly syılyqtarmen marapattady, dep habarlaıdy QR Qorǵanys mınıstrliginiń baspasóz qyzmeti.