Zardap shekkenderge qan jetkilikti: dárigerler aqmolalyqtardan dúrbeleń jasamaýdy surady
BÝRABAI. KAZINFORM — Aqmola oblysynyń dárigerleri áleýmettik jelilerde taralǵan Şýchınskide «Palaý ortalyǵy» kafesinde bolǵan órtten zardap shekkenderge shuǵyl qan qajet degen aqparatty joqqa shyǵardy, dep jazdy óńirdegi menshikti tilshi.
Aqmola óńirindegi dárigerler áleýmettik jelilerde taraǵan aqparatqa túsinikteme berdi: Şýchınsk qalasyndaǵy «Palaý ortalyǵy» kafesinde bolǵan órtten zardap shekkenderge shuǵyl qan qajet degen habar shyndyqqa sáıkes kelmeıdi.
Óńirdegi Kókshetaý qalasynyń Oblystyq qan ortalyǵyna qazaqstandyqtardy donorlyqqa shaqyrǵan habarlamalarǵa qaramastan, Aqmola oblysynyń Densaýlyq saqtaý basqarmasy men qan ortalyǵy óńirde zardap shekkenderdi emdeýge jetkilikti qandy qor bar ekenin habarlady.
— Barlyq zardap shekkender qajetti qan komponentterimen tolyq qamtamasyz etilgen. Qoǵamdyq keńesti dúrbeleń týdyrmaı, jalǵan aqparat taratpaýǵa shaqyramyz, jaǵdaı baqylaýda, — delingen dárigerlerdiń úndeýinde.
Oblystyq densaýlyq saqtaý basqarmasynyń málimetinshe, qazirgi ýaqytta tórt zardap shekken adam «Avıtsenna-Býrabaı» statsıonarynda jansaqtaý bóliminde emdelýde, taǵy tórt adam — Kókshetaý qalasyndaǵy kópsalaly oblystyq aýrýhanada.
Eske sala keteıik, Býrabaı aýdanynyń Şýchınsk qalasynda turǵyn úıge japsarlas salynǵan bir qabatty kafede gaz-aýa qospasynyń jarylysy bolyp, artynsha órt shyqty. Sońǵy málimetter boıynsha, zardap shekkender sany 28 adamǵa jetti. Olardyń jeteýi qaza taýyp, 10 adam jansaqtaý bóliminde jatyr, qalǵandaryna qajetti medıtsınalyq kómek kórsetilip jatyr.
Artynsha Şýchınskidegi jarylysqa baılanysty qylmystyq is qozǵaldy.
Şýchedegi jarylysta qaza tapqandardyń otbasyna 2 mln teńgeden beriletini habarlandy.
Şýchınsk qalasyndaǵy oqıǵany tergeıtin komıssııa quryldy.
Qaza tapqandardyń asyraýynda eńbekke qabiletsiz otbasy músheleri bolǵan jaǵdaıda, olardyń otbasylaryna respýblıkalyq bıýdjetten asyraýshysynan aıyrylý jaǵdaıy boıynsha memlekettik áleýmettik járdemaqy taǵaıyndalatyny belgili boldy.
Býrabaıdaǵy órtten zardap shekken bes adam Astanaǵa jetkizildi.