Zardap shekkender bar: Japonııanyń taǵy bir aýmaǵynda jer silkindi
ASTANA. KAZINFORM — Japonııanyń batysyndaǵy Sıdzýoka prefektýrasy mańynda 5,7 magnıtýdaly jer silkinisi tirkeldi, dep habarlaıdy Kyodo.
Jer silkinisiniń oshaǵy 40 shaqyrym tereńdikte ornalasqan. Jerasty dúmpýleri saldarynan temirjol qatynasynda, sonyń ishinde joǵary jyldamdyqpen júretin «sınkansen» poıyzdarynyń qozǵalysynda irkilister boldy.
Sondaı-aq tabıǵı apattan 20-dan astam adam zardap shekken. Olardyń basym bóligi qulap, denesi kógerip, jaraqat alǵan. Zardap shekkenderdiń ómirine qaýip tónip turǵan joq.
Japonııadaǵy atom nysandarynda jer silkinisine baılanysty shtattan tys jaǵdaılar tirkelgeni týraly aqparat túsken joq.
Aıta keteıik, Japonııada buǵan deıin de jer silkinisi tirkeldi.
Sondaı-aq búgin túnde Afrıkanyń Namıbııa memleketinde de jer silkindi.