Zardap shekkender bar: Túrkııada 5,8 magnıtýdalyq jer silkinisi boldy

ASTANA. KAZINFORM – Jer silkinisiniń oshaǵy Egeı teńizinde ornalasqan, dep habarlaıdy Trend.az.

Túrkııa Іshki ister mınıstrligi Tótenshe jaǵdaılar agenttiginiń (AFAD) taratqan dereginshe, jer silkinisiniń oshaǵy Mýgla provıntsııasynyń Marmarıs aýdanynan 10,43 shaqyrym jerde ornalasqan. Tereńdigi – 67,91 shaqyrym. 

Mýgla gýbernatory Idrıs Akbyıyktyń habarlaýynsha, zilzaladan keıin bıikten úreımen sekirgen 34 adam jaraqat alǵan. Ol sondaı-aq oqıǵa saldarynan Marmarıstegi eki ǵımaratta jaryq paıda bolǵanyn atap ótti. 

Buǵan deıin Túrkııanyń shyǵys bóliginde 4,9 magnıtýdalyq jer silkinisi bolǵanyn jazǵan bolatynbyz.