Zardap shekken eshkim joq: ShQO jedel shtaby órt jaǵdaıyn turaqty baqylap otyr
ÓSKEMEN. QazAqparat – Shyǵys Qazaqstan oblysynda arnaıy qurylǵan jedel shtab iri dala órtteriniń jaǵdaıyn turaqty baqylaýda ustap otyr, dep habarlaıdy QazAqparat tilshisi.
Aımaq basshysy Danıal Ahmetov birneshe kún boıy sóndirilmeı jatqan dala órtteriniń jaǵdaıy boıynsha jınalys ótkizdi.
Jedel shtab dereginshe, búginde toǵyz órttiń úsheýi sóndirilgen. Tilsiz jaýmen kúreske barlyǵy 1167 adam, 123 tehnıka, eki MI-8 jáne eki MI-2 tikushaǵy tartyldy.
«Ulan aýdanynyń Tarǵyn aýylyndaǵy, Glýbokoe aýdanynyń Kamennyı karer kentindegi jáne Katonqaraǵaı aýdanynyń Qaratal aýylyndaǵy órt aýyzdyqtaldy. Zardap shekken eshkim joq. Alaıda Kúrshim aýdanynda jaǵdaı shıelenisip tur. Qatty jel órt sóndirýshilerdiń jumysyn qıyndatýda», - dedi oblys ákimi.
Onyń aıtýynsha, qyzyl jalynnyń eldi mekenderge taralýyna tosqaýyl qoıyldy. Altaı aýdanynda 2 tikushaq jumys istep jatyr. Barlyǵy 150 tonnadan astam sý quıyldy.
«Men Tótenshe jaǵdaı mınıstrimen sóılestim. Oblystaǵy jetýi qıyn taýly jerlerdegi órtti sóndirý úshin bizge taǵy 2 tikushaq jiberiletin boldy. Qoryta aıtqanda, órt jaǵdaıy tolyqtaı baqylaýda», - dedi Danıal Ahmetov.
Eske salsaq, osyǵan deıin Shyǵys Qazaqstannyń birneshe aýdanynda dala órtiniń beti áli qaıtpaǵany habarlanǵan bolatyn.
