Zardap shekender bar: Almatyda avtobýs pen jeńil kólik soqtyǵysty
ALMATY. KAZINFORM – Almatyda jolaýshylar avtobýsy men jeńil kólik soqtyǵysyp, 4 adam zardap shekti. Jol apatynyń vıdeosy áleýmettik jelide tarady.
Almaty Polıtsııa departamentiniń málimetinshe, oqıǵa 22 mamyr túngi saǵat 22:25 shamasynda Túrksib aýdanynda bolǵan.
– Avtobýs júrgizýshisi Rysqulov dańǵyly boıymen kele jatyp, keri burylǵan kezde qarama-qarsy baǵytta kele jatqan Audi kóligimen soqtyǵysty. Saldarynan jeńil kólik júrgizýshisi men onyń úsh jolaýshysy túrli dene jaraqatyn aldy, - dep atap ótti Almaty Polıtsııa departamentiniń resmı ókili Saltanat Ázirbek.
Túrksib aýdandyq polıtsııa basqarmasynyń qyzmetkerleri jol apatynyń mán-jaıyn anyqtaýǵa kiristi.
Osyǵan deıin Almatyda trolleıbýs pen avtobýs soqtyǵysyp, 10 adam zardap shekken bolatyn.