Zara Darken Eýropa jasóspirimder reıtıngisinde úzdik 30 tennısshiniń qataryna kirdi
NUR-SULTAN. QazAqparat – Qazaqstandyq, 13 jasar Zara Darken Eýropa tennıs federatsııasynyń jańartylǵan jasóspirimder reıtıngisinde úzdik 30 oıynshynyń qataryna kirdi, dep habarlaıdy QazAqparat tilshisi.
Qazaqstan tennıs federatsııasy málim etkenindeı, Zara 14 jastan aspaǵandar arasynda birden 60 satyǵa kóterilip, 30-orynǵa jaıǵasty.
Mundaı sekiris jasóspirim sportshynyń ET (Eýropa tennısi) serııasyndaǵy týrnırlerde sátti óner kórsetýi arqasynda múmkin boldy. Sondaı jarystardyń birinde Zara chempıon atansa, ekinshisinde fınalǵa deıin jetti. Tennis Park Open by Head dodasynda ol tartysty oıynda ýkraınalyq Elızaveta Kotlıarǵa ǵana jol berdi.
Zara Darken – jasóspirimder arasynda úzdik otyzdyqqa ilikken eń jas tennısshilerdiń biri. Ol – Aqtóbe qalasyndaǵy tennıs ortalyǵynyń tárbıelenýshisi.
«Bolashaqta men úlken tennıs týrnırlerinde jeńiske jetip, álemniń birinshi raketkasy bolǵym keledi. Erlerden Rafael Nadaldy, áıelderden Anjelıka Kerberdi pir tutamyn. Olardyń oıyndaryn teledıdardan kórip otyramyn. Árıne, sportta jeńister ǵana emes, utylystar, kózge jas alatyn kezder de bolady. Tek jaqsy oınaǵanyńyzǵa senimdi bolsańyz ǵana sergip qalasyz», deıdi Zara Darken.
Eske sala keteıik, budan buryn Elena Rybakınanyń Ábý-Dabı týrnıriniń, Aleksandr Býblıktiń Antalııa jarysynyń shırek fınalyna shyqqanyn jazǵan bolatynbyz.
Al ıÝlııa Pýtıntseva Aýstralııa chempıonyna jol berdi.
