Zapastaǵy 635 ofıtserdi áskerı qyzmetke shaqyrý týraly Úkimet qaýlysy shyqty

ASTANA. QazAqparat – Premer-Mınıstr Álıhan Smaıylov bıyl áskerı qyzmetke shaqyrylatyn zapastaǵy ofıtserlerdiń sanyn eki ese arttyrýdy kózdeıtin Úkimet qaýlysyna qol qoıdy, dep habarlaıdy QazAqparat tilshisi.

Qujatta jazylǵandaı, bıyl jalpy sany 635 zapastaǵy ofıtser myna qurylymdardyń qataryna shaqyrylady:

- QR Qarýly kúshterine - 550 ofıtser;

- QR Ulttyq qaýipsizdik komıtetiniń Shekara qyzmetine - 60 ofıtser;

- QR Tótenshe jaǵdaılar mınıstrligine - 16 ofıtser;

- QR Іshki ister mınıstrliginiń Ulttyq ulan qataryna - 9 ofıtser.

«Jobanyń maqsaty – 2023 jyly QR Qarýly kúshterin, QR Ulttyq qaýipsizdik komıtetiniń Shekara qyzmetin, QR Tótenshe jaǵdaılar mınıstrligin jáne QR Ulttyq ulanyn jasaqtaý úshin áskerı qyzmetke shaqyrylatyn zapastaǵy ofıtserlerdiń sanyn ulǵaıtý. Jobany iske asyrý qosymsha bıýdjet shyǵynyn talap etpeıdi jáne tıisti jyldarǵa arnalǵan respýblıkalyq bıýdjette kózdelgen qarajat esebinen júzege asyrylady», - dep túsindirme berilgen Úkimet basshysy qol qoıǵan qaýlyǵa.

Qujat alǵash resmı jarııalanǵannan 10 kún ótip baryp, 11 shildede kúshine enedi.

Aıta keteıik, jyl basynda tıisti qaýlymen zapastaǵy 345 ofıtserdi áskerı qyzmetke shaqyrý josparlanǵan edi. Degenmen, oǵan ózgeris engizilip otyr. Endi shaqyrylatyn ofıtserler sany 635 bolyp bekitildi.