Zapastaǵy ofıtserler men serjanttardy daıarlaý qaǵıdalary jańartyldy

ASTANA. KAZINFORM – Qorǵanys mınıstrligi zapastaǵy ofıtserler men serjanttardy daıarlaý qaǵıdalaryna ózgerister engizdi. 

Qujatqa sáıkes, áskerı kafedrada oqýǵa konkýrsqa qatysýǵa nıet bildirgen stýdent qabyldanǵan jyly 1 aqpannan bastap elektrondyq úkimet veb-portaly www.egov.kz arqyly, elektrondyq tsıfrlyq qoltańbasyn qoıyp nemese baılanys operatory bergen abonenttik nómir qyzmet alýshynyń portaldaǵy jeke kabınetimen tirkelip, qosylǵan jaǵdaıda bir rettik qupııasózben rastalǵan ótinish beredi.

Qyzmet kórsetýshi arqyly júgingen jaǵdaıda stýdent qosymsha kelesi qujattardy tapsyrady:

– belgilengen úlgige sáıkes qabyldaý týraly ótinish;

– jeke basyn kýálandyratyn qujat nemese tsıfrlyq qujat servısinen alynǵan elektrondyq qujat (tulǵany sáıkestendirý úshin);

– 3×4 sm kólemindegi fotosýret – 4 dana;

– sottylyǵynyń bolýy nemese bolmaýy týraly anyqtama;

– JOO-da naqty oqıtyny týraly, fakýlteti men mamandyǵy kórsetilgen anyqtama.

Qyzmetti joǵary nemese joǵary oqý ornynan keıingi bilim berý uıymdary 5 jumys kúni ishinde tegin kórsetedi. Ótinish qabyldaý 30 maýsymǵa deıin júrgiziledi.

Áskerı kafedrada oqýǵa konkýrsqa qatysýǵa nıet bildirgen stýdent qujat tapsyrǵan kúni JOO qyzmetkeri qujattardy qabyldap, tirkeıdi. Eger stýdent tolyq emes qujat paketin nemese merzimi ótip ketken qujat tapsyrsa, qaǵıdanyń 3-2-qosymshasyna sáıkes qujattardy qabyldaýdan bas tartady.

Qyzmet kórsetýshi ótinish túsken kúnnen bastap 5 jumys kúni ishinde qujattardyń tolyqtyǵyn tekseredi jáne kelesi sheshimniń birin qabyldaıdy:

– úmitkerler tizimine engizý úshin qujattardy qabyldaý;

– memlekettik qyzmet kórsetýden bas tartý.

Ákimshilik rásimdik-protsestik kodekstiń 73-babyna sáıkes memlekettik qyzmet kórsetýden bas tartý negizderi anyqtalǵan jaǵdaıda, qyzmet kórsetýshi qyzmet alýshyny aldyn ala sheshim týraly, memlekettik qyzmet kórsetýden bas tartý, sondaı-aq qyzmet alýshynyń aldyn ala sheshim boıynsha óz ustanymyn bildirý múmkindigi bolatyn tyńdaýdyń ýaqyty, kúni men orny týraly habardar etedi.

Tyńdaý memlekettik qyzmet kórsetý merzimi aıaqtalǵanǵa deıin keminde 3 jumys kúni buryn taǵaıyndalady jáne habarlama jiberilgen kúnnen bastap 2 jumys kúninen keshiktirilmeı ótkiziledi.

Tyńdaý nátıjeleri boıynsha qyzmet alýshyǵa qyzmet kórsetýshiniń ýákiletti tulǵasy ETsQ arqyly nemese qaǵaz qujat túrinde oń sheshim nemese memlekettik qyzmet kórsetýden ýájdi bas tartý jóninde habarlama jiberiledi.

Memlekettik qyzmet kórsetýden bas tartý negizderi:

– memlekettik qyzmet kórsetý úshin qajetti vedomstvoaralyq suraý salýǵa ýákiletti memlekettik organnyń teris jaýabynyń bolýy;

– qyzmetti alýdy talap etetin qyzmetti júrgizýge tyıym salý týraly zańdy kúshine engen sot sheshiminiń bolýy;

– memlekettik qyzmet alýǵa baılanysty arnaıy quqyqtan aıyrý týraly zańdy kúshine engen sot sheshiminiń bolýy.

Buıryq 2026 jylǵy 1 qańtardan bastap kúshine enedi. 

Aıta ketsek, taıaýda ǵana Prezıdent Qasym-Jomart Toqaev áskerı qyzmetshilerdiń qaýipsizdigine erekshe nazar aýdarýdy tapsyrdy.