Zapastaǵy 752 ofıtser eki jylǵa áskerı qyzmetke shaqyrylady
Ashyq normatıvtik-quqyqtyq aktiler portalynda zapastaǵy ofıtserlerdi áskerı qyzmetke shaqyrý týraly Úkimet qaýlysynyń jobasy jarııalandy, dep habarlaıdy Kazinform.
«Áskerı qyzmet jáne áskerı qyzmetshilerdiń mártebesi týraly» 2012 jylǵy 16 aqpandaǵy Qazaqstan Respýblıkasy Zańynyń 32-babyna sáıkes shyǵarylǵan Úkimet Qaýlysynda aıtylǵandaı, ofıtser quramynyń laýazymdarynda áskerı qyzmet ótkerý úshin áskerı qyzmetke jaramdy jáne ony ótkermegen zapastaǵy ofıtserler zańnamada belgilengen tártippen 2024 jyly jıyrma tórt aı merzimge áskerı qyzmetke shaqyrylady.
Qaýly qosymshasynda elimizdiń Qarýly kúshterine – 600, Ulttyq qaýipsizdik komıtetiniń Shekara qyzmetine – 80, Іshki ister mınıstrliginiń Ulttyq ulanyna – 42 jáne Tótenshe jaǵdaılar mınıstrligine – 30, jalpy 752 ofıtserdiń áskerı qyzmetke shaqyrylatyndyǵy kórsetilgen.
Qujat 2023 jyldyń 6 jeltoqsanyna deıin qoǵamdyq talqylaýǵa shyǵarylyp otyr.
