Zańsyz júrgen 200-ge jýyq sheteldik Qazaqstannan qýyldy
ASTANA. QazAqparat - Sońǵy jarty jylda sottyń úkimimen 197 sheteldik elden qýylyp, 1500 adam - ákimshilik jaýapqa tartylǵan, dep habarlaıdy QazAqparat kóliktegi ІІD baspasóz qyzmetine silteme jasap.
Kóliktegi ІІD kóshi-qon polıtsııasynyń bólimi jarty jyldyń ishinde zańsyz kóshi-qon arnalaryn jabý úshin «Mıgrant», «Tártip saqshysy», «Nelegal» jedel-profılaktıkalyq is-sharalaryn júrgizdi.
Kóshi-qon polıtsııasy basqarmasynyń bastyǵy Ǵanı Shymyrbaev atap ótkendeı, 1 526 ákimshilik jaýapqa tartylyp, sonyń ishinde elde bolý erejesin 1293 sheteldik, atap aıtqanda 1247 TMD, 46 alys shetel azamaty buzǵan.
Sottyń úkimimen 197 sheteldik elden qýylǵan.
