Zańsyz jumys júrgizetin týrkompanııalar kóleńkeden shyǵarylmaq
ASTANA. QazAqparat - Jalpyǵa ortaq deklaratsııalaý zańsyz jumys júrgizetin týrıstik kompanııalardyń qyzmetin bir retke keltirip, olardy kóleńkeden shyǵarýǵa yqpal etpek. 2020 jyly bastalatyn jappaı deklaratsııalaý úrdisine «Týrıstik Qamqor» Korporatıvti qory osyndaı senim bildirip otyr, dep habarlaıdy QazAqparat tilshisi.
«Týrıstik qamqordyń» habarlaýynsha, Qazaqstanda tirkelgen barlyq týrkompanııalardyń jartysynan astamy zańsyz jumys isteýde. Eki jyldan astam ýaqyt buryn shetelge shyǵý týrızmi salasynda azamattardyń quqyqtaryn kepildendirý júıesi iske qosylǵanyna qaramastan, barlyq qatysýshylar zańǵa sáıkes qyzmet kórsetpeı jatyr.
«Týrızm naryǵynyń aınalymynda burynnan beri qolma-qol aqsha júredi. Kóp jaǵdaıda olardy baqylaý múmkin emes. ıAǵnı, keıbir naryq músheleri qalyptasqan jaǵdaıdy paıdalanyp, barlyq kelip túsetin tabysty deklaratsııalaýdan jaltarady, júrgizetin qarjy operatsııalarynyń kólemin jasyrady. Buǵan memleket qazynasyna túspeıtin salyqty esepteı berińiz», - deıdi «Týrıstik Qamqor» Korporatıvtik qordyń dırektory Asylhan Esilov.
Onyń aıtýynsha, Úkimet ár týroperatorda bank kepili men týrkodtyń bolýyn mindettep otyr. Tek týrısterdiń quqyqtaryn qorǵaý ǵana emes, sonymen birge týroperatordyń satyp otyrǵan óniminiń zańdylyǵyn bir retke keltirý bastamasy qolǵa alynǵan.
Sarapshylar jappaı deklaratsııalaýmen memlekettik organdardyń jaýapkershiligi arta túsetinine senimdi. Memlekettik kirister organy týrıstik qyzmetter usyný salasyn tártipke keltiredi.
Asylhan Esilov týrıstik naryqtyń zańsyz týrkompanııalary naryqta qalyptasqan jaǵdaıdy óz paıdasyna sheship, túrli aıla-amalǵa, qýlyqqa baryp jatqanyn atap ótti.
«Kóptegen týrkompanııalar shetel týroperatorlarymen tikeleı jumys isteýge kóshken, ıaǵnı qajetti jarnalar men deldaldyq qyzmetterdi, sondaı-aq bank qyzmetterin, salyqtardy, valıýta aıyrbastaýdy, kýrstaǵy joǵaltýlardy jáne sol sııaqty tólenýi tıis jarnalardy tólemeı ketedi. Óıtkeni olar qolma-qol aqsha alady jáne shetelge de qolma-qol aqsha kúıinde jiberedi. Sol sebepti, týrıstik naryqtyń oıynshylary 2020 jylǵy 1 qańtardan bastan engiziletin jalpyǵa ortaq deklaratsııalaýǵa mol senim artyp otyr», - deıdi Asylhan Esilov.
